उत्तराखंडमध्ये ८ एप्रिल २०२६ रोजी हवामान कमालीचे बदलले असून, मैदानी भागात मुसळधार पाऊस, सोसाट्याचा वारा आणि डोंगराळ भागात हिमवृष्टी झाली आहे. एप्रिलमध्ये डिसेंबरसारखी थंडी जाणवत असून, अनेक जिल्ह्यांत ‘ऑरेंज अलर्ट’ जारी करण्यात आला आहे . ९ एप्रिलपासून हवामान सुधारण्याची शक्यता आहे, तरीही काही ठिकाणी पावसाची शक्यता आहे
देशात एकाच वेळी दोन पश्चिमी विक्षोभ सक्रिय झाल्यामुळे हवामान बदलले आहे. उत्तराखंडमधील केदारनाथ, बद्रीनाथ, गंगोत्री आणि यमुनोत्री या चारही पवित्र स्थळांमध्ये हिमवृष्टी होत आहे. राज्यातील सर्व जिल्ह्यांमध्ये पाऊस पडत आहे. राजस्थानमध्ये श्रीगंगानगर, हनुमानगड आणि नागौरसह अनेक जिल्ह्यांमध्ये मुसळधार पावसासोबत गारपिटीची नोंद झाली.
अनेक जिल्ह्यांमध्ये एका इंचापेक्षा जास्त पाऊस झाला. दरम्यान, भरतपूर जिल्ह्यात एका घरावर वीज पडल्याने सिलेंडरचा स्फोट झाला. पावसामुळे तापमानात ७ अंशांची घट झाली. उत्तर प्रदेशातील लखनौ, गोरखपूर, गोंडा, जौनपूर आणि अलीगढसह २० जिल्ह्यांमध्ये आज सोसाट्याच्या वाऱ्यासह अधूनमधून पाऊस पडत आहे. ९ जिल्ह्यांमध्ये गारपिटीचा इशारा देण्यात आला आहे. गेल्या आठवड्यात वादळ आणि वीज पडल्याने १५ जणांचा मृत्यू झाला होता.
